Што треба да знаете доколку не сакате Русите да ви го ускратат гостопримството

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
• Вклучете го во пребарувачот „Show notifications“ (дозволи известувања) за нашиот сајт!

Кога доаѓате во посета, понесете некаков знак на внимание со себе

Кадар од филмот „Љубов и гулаби“, реж. Владимир Мењшов, 1984. / Мосфильм

Ако сте поканети да посетите руска куќа, се очекува да понесете нешто со вас - нешто слатко за чај, шише алкохол и сл. И подароци за децата, ако ги има во куќата, можат добро да дојдат. Не носете цвеќе освен ако не е роденден на жената на домаќинот и, ако е така, секогаш носете непарен број цветови - во Русија парен број цветови се носи само на погреб. Таквата грешка навистина би ве чинела скапо, бидејќи многу Руси се многу суеверни.

Ако сте донеле нешто, не давајте му го на домаќинот преку прагот

Уште едно старо суеверие во кое Русите сè уште веруваат, свесно или не, е поврзано со прагот - во стан или куќа, не е важно. Никогаш немојте да давате или примате нешто преку прагот. Тој се смета за граница помеѓу куќата и надворешниот свет, така што примањето или давањето подароци е дозволено дури откако ќе влезете во домот.

Немојте никогаш да се согласите со љубезната понуда на домаќинот да не се собуете

Legion Media

Подовите во руските куќи се ладни поголемиот дел од годината, поради што речиси секој стан има подни теписи кои никој не сака да ги оштети. Затоа, дури и ако љубезно ве замолат да останете во чевлите кога влегувате во нивниот дом, соблечете ги - и побарајте влечки. Ако нема (што и понатаму често се случува, особено ако забавата е голема и има многу гости), сепак соблечете ги чевлите. Запомнете дека Русија е исто така источна земја и Русите никогаш не носат чевли за на улица во своите домови.

Не коментирајте го квалитетот на ништо 

Кадар од филмот „Љубов и гулаби“, реж. Владимир Мењшов, 1984. / Мосфильм

Ако првпат посетувате руски дом, многу е веројатно дека домаќинот ќе ви го покаже станот, куќата или територијата на нивната дача (викендичката). Не заборавајте да ги задржите вашите критики за себе, дури и ако покривот на куќата прокиснува и има дупки во ѕидовите. Истото важи и за јадењата што ќе ви бидат понудени. Во Русија се смета за олицетворение на грубост да се критикува готвењето на домаќините или да им се дава совет.

Не прашувајте за приходите на домаќинот 

Семејниот буџет е секогаш табу тема меѓу Русите, освен ако не сте семеен пријател и, во тој поглед, тие се разликуваат од западњаците кои имаат сосема поинакви навики. Значи, не започнувајте сами разговор за овие работи и подобро е да ја задржите сопствената финансиска состојба за себе. Не затоа што Русите премногу се срамат од своите примања - тие се многу различни - туку затоа што е старо суеверие дека не треба да се фалите со своето богатство.

Немојте да се брукате на руска трпеза

Legion Media

Најдобро би било да не јадете пред да дојдете во посета на руски дом. Големи се шансите дека ќе ве почестат со оброк од четири јадења со прилози, а домаќините ќе ве замолат да пробате сè. Пробајте сè, дури и по малку од секоја чинија и пофалете го секое јадење - тоа би му било многу пријатно на домаќинот.

Освен ако не сте се договориле со домаќините да додадете дел од вашата храна на трпезата, не носете храна со вас (освен десерт или „нешто за чај“ како подарок); тоа се смета за непристојно - нарушувањето на деликатната машинерија на кујната на домаќинот. Исто така, ако сакате да им помогнете на домаќините да ја исчистат масата или да ги измијат садовите, првин побарајте дозвола, бидејќи не секој сака гостите да помагаат околу куќата како да е нивна.

Кадар од филмот „Курир“, реж. Карен Шахназаров, 1986. / Мосфильм

И, се разбира, не одбивајте да пиете со домаќинот. Веројатно можете да се извлечете со „Вечерва возам“, но ќе ви биде понудено да земете такси или да преноќите. Во секој случај, секој изговор може да се смета за неубедлив. Ако не сакате да се опиете, едноставно не обидувајте се да држите чекор со темпото на домаќинот, чашка (или чаша) или две би биле доволни за да останете љубезни.

Кадар од филмот „Москва не им верува на солзите“, реж. Владимир Мењшов, 1979. / Мосфильм

Не одбивајте благо!

Обврзани сте да понесете што и да ви спакуваат домаќините - било да се тоа пироги, варење (руско слатко) или кој било друг вид џем или благо. Не грижете се што стаклените тегли можеби изгледаат малку застарено, веројатно има нешто вкусно внатре.

Владимир Смирнов/TASS

При користење на материјалите на Russia Beyond задолжителен е хиперлинк до изворот од кој е преземен материјалот.